Det mót wel leefde zien Anti Philipsen De vrouw hoe ich dit kier mien verhaol gaon hale is al tachtig jaor. Onger 't vertèlle zit der ein straolende jóng vrouw tegeover mich aane taofel. Die helder oet de ouge kiekt en met laevendige sjtum heur relaas duit "Ut is toch wel ein vrèmd verhaol det ich gaon vertèlle. Allein al 't feit det der zoeget zestig jaor overhaen gegaon zien, en toch sjteit hae mich nag gans helder veur de geist. Asof wae ós gister nag gesproke hebbe. Ich waas toentertied knater verleefd op Adriaan. Ich lierde um kènne mèt Heljese kermis wie ich mèt anger vriendinne urges op ein terras zoot. Hae kwaam derbej zitte en vroog mich of ich zin hej um ein sjtökske mèt um te wandele naeve de knaal. Vanaaf dae sjoëne zomermiddig waas 't aan. Ich werkde en wónde oet inne stad, wie zoeveul maedjes. Zonnigs hej ich vrej en reisde dan lichtig mèt de bus nao hoes. Ich zoot aane gooje kank umdet de bus naeve zien hoes kwaam. Lichtig zoog ich um, of zittend oppe bank veur oppe stoep of achter de raam van zien sjlaopkamer. Ouch hae keek oet nao mich. Wae ware hiel vertrouwd mèdein. Det ging van zelf. Wae kalde hiel get aaf. Nieuw-Zeel and As ich smanjigmerges truuk nao mien werkplaats reisde, zoog ich um op zien fietske nao zien werk gaon en ich verheugde mich op ós volgend treffe. Ut waas op zónne zonnigmiddig det wae wandelde toen hae mich zag, det hae wooj emigrere nao Nieuw-Zeeland. Op mien vraog, det as ich neet nao um zou kómme, of hae dan truuk kwaam zag Adriaan 'nae', en det hae noejts mier truuk zou kómme. As jónk, verleefd maedje waas det nagal ein hef tige bódsjap veur mich. Ich hej toentertied gèn inkel idee wat 'm zoë wiet van hoes dreef. Afeng, 't waas toch ech waor. Hae zou gaon. En ich woort ingesjreve bej ein of anger bedrief det ein overtoch per boeët zou regele. As naoreizende broed veur emigrante. Daoveur mós ich hóngerd gulje sjtorte. Mer mich ouch urges in Den Haag laote zeen. Mèt ein zuske van Adriaan heb ich toen veur 12 De Moermik

DIGITALE PERIODIEKEN IN DE VOORMALIGE GEMEENTEN HELDEN, MEIJEL, KESSEL EN MAASBREE

De Moennik | 2014 | | pagina 14